ЦАГДАА БАЙГУУЛЛАГААС АЛБА ХААГЧИЙГ ТЭТГЭВЭРТ ГАРАХАД БАРИМТЛАХ БОДЛОГО

Abstract

Цагдаагийн алба хаагч нь цагдаагийн байгууллагаас төрийн өмнө хүлээсэн гэмт хэрэгтэй тэмцэх, нийтийн хэв журмыг хамгаалах, олон нийтийн аюулгүй байдлыг хангах чиг үүргийг хэрэгжүүлэхээр тангараг өргөсөн төрийн тусгай албан хаагч ба албан үүргээ биелүүлэхийн тулд тодорхой эрх эдэлж, эдийн засгийн болон нийгмийн баталгаагаар хангагдах ёстой бөгөөд энэхүү баталгааг нь төр хариуцдаг.

Цагдаагийн алба хаагчийн ажлын ачаалал их, цалин бага байгаа нь цагдаагийн албанд орж ажиллах залуучуудын эдийн засаг, нийгмийн баталгааг бүрэн хангаж чадахгүй, залуу насаа цагдаагийн албанд өнгөрүүлж буй залуучуудын хувьд 20-25 жил тасралтгүй ажиллаж 40-45 насандаа тэтгэвэр тогтоолгон албанаас чөлөөлөгдөж байна.

Цагдаагийн алба хаагчийн тэтгэвэрт гарахын өмнөх карьер төлөвлөлтийг хийж тухайн алба хаагч тэтгэвэр тогтоолгох хугацаанаас 6-12 сарын өмнө “ДАСАН ЗОХИЦОХ” хөтөлбөрт хамрагдан тэтгэвэрт гарсны дараах ажлын байрыг бий болгох чухал ач холбогдолтой.

Мөн алба хаагчийг тэтгэвэрт гарахын өмнөх бие эрүүл мэнд, сэтгэл зүйн тал дээр бэлтгэн 6-12 сарын дараа ажлаа өгөх хугацаанд түүнийг орлон гүйцэтгэх алба хаагчийн бэлтгэснээр цагдаагийн байгууллагын хүний нөөцийн чадавхыг бэхжүүлэх бүрэн боломжтой.