КИБЕР АЮУЛГҮЙ БАЙДАЛ БА КИБЕР ГЭМТ ХЭРГЭЭС УРЬДЧИЛАН СЭРГИЙЛЭХ НЬ

Abstract

Өнөө үед кибер аюулгүй байдал нь өдрөөс өдөрт өсөн нэмэгдэж буй кибер гэмт хэрэгтэй тэмцэхэд нэн чухал сэдэв болоод байна. Фишинг, рансомвэр, хувийн мэдээлэл зөвшөөрөлгүй ашиглах болон мэдээллийн өгөгдөл алдагдах зэрэг кибер халдлагууд нь хувь хүн, байгууллагад эдийн засгийн хохирол учруулж нууцлал алдагдах, бусдын нэр хүндэд сөрөг нөлөө үзүүлэх гэх мэт олон талын эрсдэлтэй байдаг. Энэ нийтлэлд кибер гэмт хэргээс урьдчилан сэргийлэх стратеги, тэр дундаа найдвартай нууц үг ашиглах, программ хангамжийг тогтмол шинэчлэх, кибер аюулгүй байдлын талаарх мэдлэг олгох, өгөгдөл нөөцлөх, сүлжээний аюулгүй байдал, хариу арга хэмжээ авах зэрэг үндсэн стратегиудыг авч үзнэ. Эдгээр арга хэмжээг хэрэгжүүлснээр хувь хүн болон байгууллага аль аль нь эмзэг мэдээллээ хамгаалж, эрсдэлийг бууруулан, цахим орчин дахь аюулгүй байдлаа хангаж чадах юм.