ЦАГДААГИЙН АЛБА ХААГЧИЙН ЭРХ ЗҮЙН БАТАЛГААНЫ ЗАРИМ АСУУДАЛ

Abstract

Төрөөс улс орны дотоод аюулгүй байдлыг хангах бодлого, хууль сахиулах үйл ажиллагааны стратегийн үндсэн асуудлуудаар эрх зүйн шинэчлэлийг эрдэм шинэжилгээ судалгааны ажилд тулгуурлан иж бүрэн өөрчлөлтийг хийхээр төлөвлөн, ажиллаж байгаа нь сайшаалтай.  Хууль зүйн Сайдын 2012 оны 09 дүгээр сарын 21-ны А/15 тоот тушаалаар “Хууль зүйн салбарын нээлттэй бодлого”[1] батлагдаж, хэрэгжиж байна. Гэмт хэрэгтэй тэмцэх, нийгмийн дэг журмыг хангах, гэмт хэргээс урьдчилан сэргийлэх, ард иргэдээ хамгаалах хууль сахиулах төрийн бодлогыг гагцхүү тангараг өргөсөн төрийн тусгай алба хаагч л амьдрал дээр хэрэгжүүлж ажиллана. Судлаач энэ удаад  “Цагдаагийн алба хаагчийн эрх зүйн баталгааны зарим асуудлууд” сэдвийг хөндөж байна. Ард иргэдийн дунд төрийн  хууль сахиулах бодлого, үйл ажиллагааг хэвийн, өнөөгийн шаардлагад нийцүүлэн явуулахад  цагдаагийн алба хаагчийн эрх зүйн баталгааны асуудал голлох үүрэгтэй болох нь судалгаанаас ажиглаж байна.