ХӨДӨӨ ОРОН НУТАГТ ОБЪЕКТЫН ГАЛ ТҮЙМРЭЭС УРЬДЧИЛАН СЭРГИЙЛЭХ ҮЙЛ АЖИЛЛАГААГ САЙЖРУУЛАХ ЗАРИМ АСУУДАЛ

Abstract

Монгол оронд гарч байгаа гал түймрийн ихэнх хувийг нийслэл Улаанбаатар хотод гарч байгаа гал түймэр эзэлж байна. Энэ нь хүн амын төвлөрөл, нягтаршил үүнтэй холбоотойгоор хүний буруутай үйл ажиллагаа, хэнэггүй байдал, газрын буруу хуваарилалт буюу хот төлөвлөлт муу хийгдсэн  байдал зэрэг нь гал түймэр гарах шалтгаан нөхцөлийг бий болгож байгаа юм. Тиймдээ ч гал түймрээс урьдчилан сэргийлэх үйл ажиллагааны хэрэгжилтийг сайтар хангаж ажилладаг.  Харин хөдөө орон нутгийн хувьд нийслэл Улаанбаатар хотын гал түймрийн эзлэх хувьтай харьцуулахад бага байдаг. Тэгсэн хэдий ч гал түймрээс урьдчилан сэргийлэх үйл ажиллагааг тогтмол зохион байгуулж байх шаардлагатай. Гэвч өнөөгийн байдалд хөдөө орон нутагт явуулж буй гал түймрээс урьдчилан сэргийлэх үйл ажиллагаа нь үр дүн муутай байгаа нь нууц зүйл биш юм. Иймээс энэхүү илтгэлдээ хөдөө орон нутагт гал түймрээс урьдчилан сэргийлэх үйл ажиллагааны талаарх ойлголтыг судлаж, хэрэгжиж байгаа үйл ажиллагааг сайжруулах талаар санал дэвшүүлэв.