ОЙ, ХЭЭРИЙН ГАЛ ТҮЙМРИЙН ӨНӨӨГИЙН НӨХЦӨЛ БАЙДАЛ, ТУЛГАМДАЖ БУЙ АСУУДАЛ, САЙЖРУУЛАХ АРГА ЗАМ

Abstract

Уур амьсгалын өөрчлөлт, дулаарлын байдлаас үүдэн гал түймрийн эрсдэл, давтамж, нэмэгдэхийн зэрэгцээ өртөх хохирол өсөж байдаг бол нөгөө талаас гал түймэр ан, амьтан, ойн сан, онгон зэрлэг байгаль, ногоон байгууламж, хадлан бэлчээр зэргийг устгах, түүнээс ялгарах бүтээгдэхүүн нь хүлэмжийн хийг нэмэгдүүлэх зэргээр уур амьсгалын өөрчлөлтөд сөрөг нөлөө үзүүлдэг.  
Монгол орны 11.8 хувийг ойн сан эзэлдэг ба ой, хээрийн гал түймрийн судалгаанаас үзэхэд 21-р зууны эхний 10 жил (2001-2010)-д гарсан ой, хээрийн гал түймрээс сүүлийн 10 жил (2011-2020)-д ой, хээрийн гал түймрийн тоо 12 хувиар өссөн, гал түймрийн улмаас учирсан хохирол 27 хувиар, өртсөн талбай 7 нэмэгдсэн байгаа нь Монгол орны агаарын дундаж температур сүүлийн 80 
гаруй жилд 2.25 хэмээр нэмэгдсэнтэй шууд хамааралтай юм.