ХЭРЭГЛЭГЧИЙГ ХУУРЧ МЭХЛЭХ, ТӨӨРӨГДҮҮЛЭХ ГЭМТ ХЭРГИЙГ ГАДААДЫН ЗАРИМ ОРНУУДЫН ЭРҮҮГИЙН ХУУЛЬ ТОГТООМЖИД ХУУЛЬЧИЛСАН БАЙДАЛ, ХАРЬЦУУЛСАН СУДАЛГАА

Abstract

Эрх зүйт төрийн чухал зорилтуудын нэг бол иргэнийхээ зөрчигдсөн эрхийг шуурхай, шударга байдлаар сэргээх, учруулсан хохирлыг нөхөн төлүүлэх механизмыг боловсронгуй болгон хэрэгжүүлэх явдал юм.

Монгол Улсад 1990-ээд оноос хойш нийгэм, эдийн засаг, улс төр, оюун санаанд эргэлт гарч, шинэ төрлийн гэх тодотголтой гэмт хэрэг бүртгэгдэж, үүний зэрэгцээ гэмт этгээдүүдийн үйлдлийн арга нарийс ч, ашгийн төлөөх шунахайн сэдэлттэй гэмт хэрэг ихээр үйлдэгдэх болсон ба зах зээлийн эдийн засагт шилжсэнтэй холбогдуулан хэрэглэгчийн эрх ашиг маш ихээр хөндөгдөх болсон. 

            Зах зээлийн нөхцөлд хэрэглэгчдийн хэрэгцээ шаардлагыг дээд зэргээр хангасан бүтээгдэхүүн, ажил үйлчилгээгээр хангах нөхцөлийг бий болгоход идэвхтэй нөлөөлөх замаар хэрэглэгчийн эрхийг хангахад нь туслах, хэрэглэгчдийн эрх ашгийг хамгаалахад чиглэгдсэн асуудлаар төрийн болон төрийн бус байгууллага, олон улсын байгууллагуудтай хамтран ажиллаж энэ чиглэлээр төрийн бодлогод нөлөөлөх явдал мөн.