ХИЛИЙН ЦЭРГИЙН АЛБАНЫ АЮУЛГҮЙ БАЙДАЛД ЭРСДЭЛИЙН ҮНЭЛГЭЭ ХИЙХ АРГАЧЛАЛ

Abstract

Аюулгүй байдал, эрүүл мэндийн эрсдэлийн үнэлгээ бол дэлхий даяарх бизнесийн болон төрийн бүх байгууллагуудад улам өргөн хэрэглэгдсээр байгаа эрсдэлийн удирдлагын арга юм. Эрсдэлийн удирдлагын дэмжих хэрэгслийн хувьд эрсдэлийн үнэлгээ нь жижиг, дунд, том бүхий л хэмжээний байгууллага, компаниудад ажлын байраа илүү аюулгүй, эрүүл болгох, мөн бизнесийнхээ үр ашиг, өрсөлдөх чадварыг сайжруулахад нь туслах зорилгоор ашиглагдаж байна.

Өнөөгийн хүн төрөлхтний нийгмийн хөгжил, зэвсэг, техникийн шинэчлэл, байгаль орчны өөрчлөлт, халдварт өвчний тархалт, ус, хүнсний аюулгүй байдлын асуудал зэрэг нь дэлхий нийтийн хэмжээнд “эрсдэлтэй орчинд эрсдэлгүй ажиллаж амьдрах” эрсдэлийн удирдлагын шинэ ойлголт, парадигмаг бий болгож байгаа тул хилийн цэргийн албаны аюулгүй байдлын (ХЦААБ гэх) эрсдэлийн үнэлгээний аргачлалыг “эрсдэлийн удирдлагыг алба хаагч бүр өөрийн амьдралд хэрэгжүүлснээр өөрсдийн аюулгүй байдлыг хангана ингэснээр салбар нэгж, байгууллагын аюулгүй байдал хангагдана” гэсэн учир зүйн холбоос, өөрийн судалгааны ажилд үндэслэн энэхүү сэдвийг сонгон судлав.