ГАМШИГТ ӨРТСӨН ХҮН АМД МЭДЭЭЛЭЛ ХҮРГЭХ АСУУДАЛ

Abstract

Өнгөрсөн 10 жилийн хугацаанд дэлхий нийтэд гамшгийн улмаас 700 гаруй мянган хүн амь насаа алдаж, 1.4 сая гаруй хүн гэмтэж бэртэн, 23 сая орчим хүн орон  гэргүй  болсон  байна.  1.5  тэрбум  гаруй  хүн  гамшигт  ямар  нэг  байдлаар нэрвэгджээ. Нийт  учруулсан  хохирлын  хэмжээ  нь  1.3  их  наяд  ам.долларт  хүрсэн бол Монгол Улсад ойролцоогоор 33 мянга орчим байгалийн  аюулт үзэгдэл, осол тохиолдож,  2237 хүний амь нас эрсдэн,  12.1 сая мал хорогдож, нийт учруулсан шууд хохирлын хэмжээ 1 их наяд 70 тэрбум төгрөг буюу 600 орчим сая ам.долларт хүрчээ.Энэ хохирлын хэмжээ нь одоогийн зах зээлийн үнэлгээгээр орчин үеийн иж бүрэн тоноглосон 200 хүүхдийн цэцэрлэг 260 гаруйг барьж байгуулах хөрөнгө юм.Ийм  учраас  гамшгаас  урьдчилан  сэргийлэх  сурталчилгааг  иргэдэд чанартай, хүртээмжтэй хүргэж чадваас бид  гамшгийн үед учрах аюул, ослоос бага эрсдэл хүлээнэ.