ЗУДЫН ГАМШГИЙН ЭРСДЭЛИЙН ҮНЭЛГЭЭ

Abstract

 Зуд бол урьдчилан мэдэгдэхгүйгээр хэдэн минутын дотор томоохон газар нутгийг хамарч сүйрэл учруулдаг болон  хүн амыг гэнэт цочирдуулж,  амьд гарахад хэцүү байдалд оруулдаг тийм байгалийн гамшгийн төрөл  биш юм. Харин ч эсрэгээр, зуд бол харьцангуй урьдчилан сэргийлэх боломжтой байгалийн үзэгдэл. Бэлтгэл,  зохион байгуулалтын арга хэмжээг авах цаг хугацааг олгодог маш удаан үргэлжилдэг үйл явц...?, түүнийг даван туулах  болон учруулах үр дагаврыг хязгаарлах арга замыг урьдчилан харах боломжтой гамшгийн төрөл юм10. Зудын гамшгаас урьдчилан сэргийлж бэлчээрийн чанар байдалд тохируулж малын тоо толгойг хязгаарлах, мал өвөлжилтийн бэлтгэл ажлыг сайн хангах, эрт зарлан мэдээллийн системийг үр дүнтэй зохион байгуулах, зохистой бөгөөд эрчимтэй хариу арга хэмжээний чадавхтай байснаар учирч болох муу үр дагавраас сэргийлж болно.