Улсын хил хамгаалах, шийдвэр боловсруулахад математик загварчлал ба математик тооцоолох аргуудыг хэрэглэх нь

Abstract

Орчин үед тэргүүний хөгжилтэй орнууд мэдээ-мэдээллийн салбарт ихээхэн амжилт оллоо. Хүн төрөлхтний 1/3 нь мэдээ мэдээллийн хүрээнд ажиллаж тооцоолон бодох техникийн хэрэгслийн үйлдвэрлэлийн болон мэдээллийг боловсруулах ба дамжуулах хэмжээ, үйлдвэрлэлийн бусад салбарын үйлдвэрүүдийн бүтээгдэхүүний хэмжээнээс илүү давсан байна. Сүүлийн үед зэвсэгт хүчин, хилийн цэрэгт орчин үеийн тооцоолон бодох машин, удирдлагын автоматжуулсан хэрэгсэл ихээхэн хэрэглэдэг боллоо. Дэлхийн хөгжилтэй орнуудын арми, ХЦ-т тооцоолон бодох техник хэрэгслээр төхөөрөмжлөгдсөн зэвсэглэл нэвтэрч, удирдлагын хэрэгцээнд тооцоолох ба мэдээлэх процессор өргөн хэрэглэгдэж, улсын хилийн орон зайд цагийн нөхцөл байдлыг автоматаар тодорхойлон мэдээлэх /систем/ цогцолбор бүтээх эрэл туршлага хийгдэж байна.