МОНГОЛ УЛСЫН ЦАГДААГИЙН ЗАХИРГААНЫ ҮЙЛ АЖИЛЛАГААНЫ ЗАРЧМЫН ХЭРЭГЖИЛТ, ОНОЛ-ПРАКТИКИЙН ЗАРИМ АСУУДАЛ

Abstract

Монгол Улсад хүний эрх, эрх чөлөө, шударга ёсыг дээдэлж, хүн төрөлхтний соёл иргэншлийн ололтыг хүндэтгэж хүмүүнлэг, ардчилсан иргэний, нийгмийг төлөвшүүлэх зорилготой өнөө үед нийтийн хэв журмыг хэлбэрэлтгүй бэхжүүлэх, эрх зүйн зөрчилтэй тууштай тэмцэх явдал нийгмийн хөгжлийн бодит чухал зорилт болсон билээ.  

   Цагдаагийн байгууллагын захиргааны үйл ажиллагааны явцад хүний эрх, эрх чөлөө, нэр төр, хууль ёсны ашиг сонирхол хөндөгддөг учир түүнийг хамгаалах, албадлагыг аль болох хязгаарлах, эрх зүйн зөрчлөөс урьдчилан сэргийлэх, олон нийтийн байгууллага, аж ахуйн нэгж, иргэдийг үнэмшүүлэн ойлгуулах, хүмүүжил,  олон нийтийн нөлөөлөл үзүүлэх, аргын хүрээг өргөтгөх зэрэг ажилд Монгол Улсын Үндсэн хууль болон бусад хуульд заасан зарчмын дагуу “ардчилал, ил тод, байдлыг гүнзгийрүүлэн хөгжүүлэх, хүнлэг шударга ёсыг эрхэмлэн дээдлэх” үзэл санааг баримталж ажиллах нь цагдаагийн албан хаагчийн нэр хүнд, үйл ажиллагааг сайжруулах нь дамжиггүй юм.