ПРОКУРОРЫН ХЯНАЛТ ТҮҮНИЙ ЭРҮҮГИЙН БАЙЦААН ШИЙТГЭХ АЖИЛЛАГААНЫ ЧИГ ҮҮРЭГТ ЭЗЛЭХ БАЙР СУУРЬ

Abstract

Аливаа төрийн болон хувийн хэвшлийн байгууллага өмнөө тавьсан зорилго, зорилтоо ханган биелүүлэхэд сахилга бат, ёс зүй, хариуцлага, хяналт түүний удирдлага, зохион байгуулалт чухал үүрэгтэй бөгөөд хэдий чинээ энэ бүх нөхцөл байдлуудын уялдаа холбоо төгс боловсронгуй байна, төдий чинээ зөрчил, дутагдал бага гарч ажлын гүйцэтгэл, үр бүтээл чанартай байж аль болох бага зардлаар богино хугацаанд өмнөө тавьсан зорилго, зорилтоо ханган биелүүлдэг.
Тэгвэл Монгол Улсын Эрүүгийн байцаан шийтгэх ажиллагааны1 зорилт2 нь аливаа гэмт хэргийг шуурхай, бүрэн илрүүлж, гэмт этгээдийг олж тогтоох, гэмт хэрэг үйлдсэн этгээд нэг бүрт зохих ялыг шударгаар оногдуулах, гэм буруугүй хэнийг ч гэмт хэрэг үйлдсэн гэм буруутайд тооцохгүй байх явдлыг хангахад оршдог. Энэхүү зорилт нь түүнийг хангахад чиглэсэн олон талт үйл ажиллагаагаар дамжин хэрэгждэг бөгөөд үүнд прокурорын хяналт нь онцгой чухал байр суурийг эзэлнэ.