Цагдаагийн байгууллагаас нийтийг хамарсан арга хэмжээний үеийн дэг журам, аюулгүй байдлыг хангах ажиллагаа, түүний удирдлага зохион байгуулалт

Abstract

1992 онд Монгол Улсын шинэ Үндсэн хуулийг баталснаар хууль тогтоомжийг түүнд  нийцүүлэн бүрэн шинэчлэх ажил эхэлсэн бөгөөд “Монгол Улсын Үндсэн хуулийг бүрнээ дагаж мөрдөх ажлыг зохион байгуулах тухай” Улсын Бага Хурлын 1992 оны 14 дүгээр тогтоолын дагуу төрийн байгууллагын шинэтгэлийг хийх ажлын хүрээнд шүүх эрх мэдлийн болон хууль сахиулах байгууллагуудын шинэчлэл эхэлсэн билээ.

Улмаар 1998 онд Улсын Их Хурал эрх зүйн бодлогын цаашдын чиг хандлагыг тодорхойлсон “Монгол Улсын эрх зүйн шинэтгэлийн хөтөлбөр”-ийг баталж, Үндсэн хуульд тунхагласан зарчим, үзэл санааны дагуу төрийн бүх шатны байгууллага, албан тушаалтны хэрэгжүүлэх үйл ажиллагааны үндсэн чиглэлийг тодорхойлж, улс төр, нийгэм, эдийн засгийн хөгжил дэвшлийг хангах эрх зүйн үндэс, таатай орчныг бүрдүүлснийг тэмдэгдэх нь зүйтэй юм.